Министерството за внатрешни работи ја известува јавноста дека поради пожар во близина на тетовското село Јажинце, затворен е патот од Тетово кон граничниот премин кон Косово, кај селото Рогачево. Затворен е и самиот граничен премин „Јажинце“, велат од МВР.

Полицијата во координација со другите надлежни институции презема мерки за гасење на пожарот.

„Апелираме до граѓаните да не тргнуваат кон ГП „Јажинце“ до гасењето на пожарот и нормализирање на сообраќајот, за што соодветно ќе ја информираме јавноста“, додаваат од Министерството.