Градоначалникот на Приштина, Шпенд Ахмети добил заканувачки пораки на неговата електронска пошта, пишуваат косовските медиуми.

Според нив, тој денеска бил во општинските простории каде имал вербална распаравија и со безбедносните службеници во општината.

Весникот Инсајдер, пишува дека се работи за човек по име името Шклзен Нокај.  Случајот е потвреден и од страна на полицијата.

– Денеска околу 11.00 часот во полициската станица е евидентиран случај на „закана кон службено лице“. Настанот се случил на улица „ОВК“ во Приштина, во општинската зграда. Полицијата го истражува случајот – рекоа од полицијата.

Досега, во врска со овој настан, нема реакции од страна на градоначалникот Шпенд Ахмети.

Се шпелулира дека причината за заканата кон Ахмети е поради земјиште во улицата „Дарданија“ во Приштина.