Секторот за заштита на животната средина на Град Скопје предлага неколку мерки за подобрување на квалитетот на амбиенталниот воздух, согласно со акционите планови за воздух  во пресрет на зимската сезона и на очекуваните епизоди со зголемено загадување.

Препораките се следни:

– редовно чистење на оџаците од домовите и одржување на грејните тела;
– за затоплување на домовите да не се користат отпадни материјали, прегорено машинско масло, лакирани и обоени отпадоци од дрво, стиропор, ПЕТ амбалажа, гуми или каков бил синтетички материјал;
– да се користи суво и чисто дрво за затоплување, без примеси од земја и отпадоци;
– печките на дрво да се користат и одржуваат според упатствата на производителот;
– редовен сервис на котли, печки и клима уреди за ефикасно согорување и помалку емисии на штетни материи.

Градот ги известува граѓаните и дека во претстојниот период ќе следат засилени инспекциски контроли на сите постројки кои поседуваат елаборати за заштита на животната средина или Б-интегрирани еколошки дозволи, а особено внимание ќе се посвети на откривање и спречување на спалувањето отпад.