Фудбалерот на Баерн Минхен, Серж Гнабри, ги сподели очекувањата пред првиот натпревар против Реал Мадрид во четвртфиналето на Лигата на шампионите.

Првите 90 минути ќе се играат во вторник на стадионот „Сантјаго Бернабеу“ во Мадрид со почеток од 21.00 часот.

– Баерн е во одлична форма. И Реал Мадрид е исто така во одлична форма. Тие го победија Манчестер сити, што мислам дека беше малку изненадувачки. Се соочивме со Реал пред две сезони. Беше разочарувачки за нас. Мислам дека имавме шанса. Тие го свртија натпреварот во последните неколку минути. Овој пат сакаме да победиме – рече Гнабри на прес-конференција.

Во вторник ќе се одигра уште еден меч, Спортинг во Лисабон ќе го пречека Арсенал.

Останатите два натпревари се закажани за в среда: ПСЖ – Ливерпул и Барселона – Атлетико Мадрид.