Германскиот шампион Баерн Минхен потврди дека Серж Гнабри потпиша нов договор со баварците до 2026 година.

Договорот на германскиот репрезентативец со Баерн истекуваше идното лето, но управата на клубот не сакаше да им се повтори случајот со Робет Левандовски и му понуди нов и подобар договор кој Гнабри го прифати и со тоа стави крај на шпекулациите за негово заминување. Тој изминатиот период беше поврзуван со Челси, Арсенал и Реал Мадрид.

– Многу размислував за тоа што сакам како играч во годините што доаѓаат. И одлучив дека сакам да останам во Баерн за повторно да освојам сè со овој клуб. Се надевам на нова титула во Лигата на шампионите, но овојпат да ја прославиме со навивачите. Тука можам да играм фудбал со моите пријатели и можам да го правам тоа на највисоко ниво. Убеден сум дека во ниту еден друг клуб не би било така. Сакам тука да доживеам уште многу убави моменти – изјави Гнабри.

👏📸👏 @SergeGnabry #Gnabry2026 #FCBayern #MiaSanMia pic.twitter.com/2Z4XrE8zfH

— FC Bayern München (@FCBayern) July 16, 2022