На фејсбук страницата Наше Ѓорче во четврток е најавен протест против неодамна донесениот ДУП во Општина Ѓорче Петров кој предвидува изградба на неколку висококатници.

Според објавата протестниот марш против бетонизацијата на Ѓорче Петров ќе започне во четврток во 17.30 часот кај кружниот тек кај црквата Св. Петар и Павле.

Според реакциите под оваа објава се очекува масовно присуство на граѓаните на Општината против најновиот обид за бетонизација.

Инаку, пред неколку дена вонредна седница на Советот на Општина Ѓорче Петров беше закажана, но не се одржа откако советниците од ВМРО-ДПМНЕ и коалицијата во Советот на Општина Ѓорче Петров гласаа против оправданоста за одржување на итна седница, како што бараа советниците од СДСМ и Левица.

На дневен ред на седницата требаше како единствена точка на дневен ред да се најде предлогот за суспендирање на делови од ДУП С3 16, кој беше донесен на 17 февруари на вонредна седница и предвидува изградба на повеќе од 30 згради, највисоката со 21 кат, но и капацитети од лесна инустрија и трговски центри.

Иницијативата против урбаното дивеење го поздрави зелениот проект за Ѓорче Петров