Американскиот државен секретар Ентони Блинкен предупреди дека Вашингтон ќе дејствува доколку Кина не престане да и испорачува на Русија предмети користени во нејзиниот напад врз Украина.

Говорејќи за „Би-Би-Си“ во Пекинг, највисокиот американски дипломат рече дека јасно им кажал на своите колеги дека „помагаат да се поттикне најголемата закана“ за европската безбедност од Студената војна.

Тој не кажа какви мерки се подготвени да преземат САД.

Но, Блинкен, исто така, сакаше да нагласи дека е постигнат напредок во некои области.

Тој го пофали Пекинг за вложените напори за запирање на испораките на лекот фентанил да стигнуваат до САД.

Кина останува главен извор на фентанил за САД, за кој Белата куќа рече дека предизвикува јавно здравствена криза низ целата земја.

Односите меѓу Вашингтон и Пекинг се затегнати поради тврдењата на Кина за Тајван и Јужното Кинеско Море, како и забраните за извоз на напредна технологија од страна на САД.

Тие беа дополнително влошени од кавгата за шпионскиот балон минатиот февруари.

Кинескиот претседател Си Џинпинг, кој денеска попладне се сретна со Блинкен во Големата сала на народот во Пекинг, се согласи дека двете страни „направиле одреден позитивен напредок“ откако тој се сретна со неговиот американски колега, Џо Бајден, во ноември.

Тој додаде дека земјите треба да „бидат партнери, а не ривали“, велејќи дека ако САД имаат „позитивен поглед на развојот на Кина“, односите би можеле „вистински да се стабилизираат, да се подобрат и да се движат напред“.

Блинкен изјави за „Би-Би-Си“ дека еден од клучните патишта за „подобри односи“ меѓу Кина и САД и Европа ќе биде Пекинг „или некои од неговите претпријатија“ да престанат да обезбедуваат „критични компоненти“ кои и помагаат на Русија да направи повеќе муниција.

Компонентите вклучуваат ставки како што се „машински алати, микро-електроника и оптика“.

„Тоа и помага на Русија да ја зголеми својата агресија против Украина, но исто така создава растечка закана за Европа“, објасни тој, додавајќи дека „помага да се поттикне најголемата закана за несигурноста[на Европа од крајот на Студената војна. Веќе презедовме акција против кинеските субјекти кои се занимаваат со ова“, рече тој. И она што јас го појаснувам денес е дека ако Кина не дејствува, ние ќе дејствуваме“.

Блинкен – кој навести санкции како можна рута – сакаше да нагласи дека Кина директно не ја снабдува Русија со оружје.

Во своето интервју за „Би-Би-Си“, Блинкен рече дека останува важно да се види дали двете земји можат да „изградат поголема соработка во областите каде што имаат заеднички интерес, вклучувајќи ги вештачка интелигенција и воени комуникации.