Германските пратеници вчера усвоија закон за рехабилитација на војниците кои со децении се соочуваат со дискриминација, отпуштање или осуда поради нивната сексуална ориентација.

До 2000 година, германската војска хомосексуалците ги сметаше за закана за дисциплината и несоодветни за високи офицерски должности.

На геј војниците им беше забрането унапредување, можеа да бидат отпуштени од воената служба и да бидат казнено гонети.

Министерката за одбрана Анегрет Крамп-Каренбауер, кој се извини за долгогодишната дискриминација, рече дека новиот закон е знак оти Германија презема одговорност.

– Наша должност е да се погрижиме поединците кои биле девалвирани за време на нивната служба да се чувствуваат безбедно и да имаат најдобра можна поддршка, рече министерката во долниот дом на Парламентот пред гласањето.

Според новиот закон, војниците можат да бараат отстранување на спорните пресуди и имаат право на некаква форма на финансиски надомест.