Георгиески: Охрид има најголем буџет за спорт и контиунуирано издвојува средства за субвенции за граѓаните

Градоначалникот на Општина Охрид, Константин Георгиески/Фото: facebook.com/KonstantinGeorgieski7

Кандидатот за градоначалник на Општина Охрид, Константин Георгиески во вечерашното гостување на дебатната емисија „Локални избори 2021“ на МРТ 1, истака дека општина Охрид дава континуирана и редовна поддршка на спортот.

-Општина Охрид има 27 милиони денари за спорт од кои 9 милиони денари се за ракометниот клуб „Охрид“ кој е прволигаш, 6 милиони денари за Фудбалскиот клуб „Охрид“, 2,7 милиони денари за фудбаскиот клуб „Воска“, а со остатокот од средствата се субвенцираат фудбалски школи и разни други спортови, објасни Георгиески.

Тој истака дека локалната самоуправа континуирано издвојувал средства за доделување на субвенции.

-Кога советот на општината ги носеше правилниците за исплата на субвенциите кои за прв пат се предвидоа во општина Охрид, субвенции за велосипеди, за инвертер клима уреди, за велосипеди и субвенциите за ублажување на последиците од корона пандемијата, субвенции за станоиздавачи, кајчари и туристички водичи, советниците на ВМРО ДПМНЕ ја напуштија седницата и не гласаа за тие правилници, истакна Георгиески.

Видео на денот