Во рамки на настаните поврзани со Генералното собрание на ФИБА Европа, утре во хотелот „Рејкјавик Гранд“ во Рејкјавик ќе се одржи годишниот состанок на генералните секретари на европските национални и федерации.

Состанокот, кој во ваков формат се организира веќе трета година по ред, претставува важна платформа за размена на искуства, идеи и зајакнување на соработката меѓу националните федерации ширум Европа. Ќе бидат присутни генералниот секретар на Кошаркарската федерација на Македонија, Томче Стојчевски, и потпретседателот, Младен Ѓуроски.

На агендата на состанокот се предвидени повеќе актуелни и значајни теми за европската и светската кошарка, меѓу кои половата подобност, судењето, осигурувањето, 3×3 кошарката, новиот изглед на ФИБА Евро Купот како и новитетите поврзани со ФИБА Европскиот куп, процесот на ЛОК/НЦАА лига, односно трансфери на европските играчи во европските лиги.

Годишниот состанок во Рејкјавик претставува уште една можност за продлабочување на соработката и координацијата меѓу европските федерации, со фокус на идниот развој на кошарката на континентот.