Со опомена од судијката до сопственикот на дискотеката „Пулс“,  Дејан Јованов – Деко, дека во притвор му бил најден телефон, продолжи судењето за кочанската трагедија.

– Имам известување дека кај вас бил најден мобилен телефон „нокиа“ со сим картичка – му рече судијката Диана Груевска Илиевска на Јованов.

По ова следеа реакции и негодувања од родителите кои се во судницата.

Со сведочење на родители на загинатите во „Пулс“ продолжува судењето за кочанската трагедија

Деко стана и нешто кажа, но не можеше да се слушне какво образложение имаше затоа што не му беше вклучен микрофонот.

Судијката му кажа дека сега ќе има опомена, но ако се повтори, најави дека ќе му забрани посети.

На денешното рочиште треба да сведочат тројца од родителите чии деца загинаа во трагедијата во март.

Во јавноста има поголем број родители кои ќе го слушаат нивното сведочење.

Од 35 обвинети физички лица и три правни лица ниту едно не призна вина.