Италијанскиот фудбалер Едоардо Бове е на чекор до враќање на фудбалските терени, но ќе мора да продолжи надвор од Италија, а како опција во овој момент се најавува Вотфорд од Чемпионшип.

Пред околу 13 месеци, настапувајќи за Фиорентина, Бове го загрижи фудбалскиот свет кога ненадејно се сруши на теренот и ја загуби свеста поради срцев удар. Благодарение на брзата и навремена реакција на медицинскиот тим, неговиот живот беше спасен, а подоцна му беше вграден и дефибрилатор.

Поради строгите правила во Серија А, кои не дозволуваат настап на фудбалери со вграден дефибрилатор, Бове е принуден продолжението на кариерата да го побара надвор од Италија, во слична ситуација како онаа што претходно ја имаше и Кристијан Ериксен.

Според најавите, во наредниот период се очекува Бове официјално да потпише договор со Ватфорд и да ја продолжи кариерата во Англија, каде би требало повторно да се врати на фудбалските терени.