Фрчат навреди меѓу Шилегов и Дурловски, „оперската певачица“ возврати со „погана уста“
Откако скопскиот градоначалник Петре Шилегов во гостување во емисијата „Само вистина“ на Канал 5 го нарече лидерот на Левица, Димитар Апасиев „фашист“, а експратеникот на ВМРО-ДПМНЕ и оперски пејач, Игор Дурловски „оперска певачица“, на ова му врати Дурловски на Фејсбук кој напиша „не сум јас ракија па да ме ставаш во таа твоја погана уста“.
Шилегов во гостувањето зборуваше за настаните пред четири години кога се случи упадот во Собранието и изјави дека според него оправдано е делото терористичко загрозување на уставниот поредок и безбедноста, за кое се гонеа и сè уште се гонат инволвирани во настаните од „крвавиот четврток“.
Дурловски не му остана должен на Шилегов, па набргу се јави на Фејсбук:
„Ми пренесоа дека оној јадник од градски татко се потрудил да ме омаловажи на ТВ. А бе Шилегов, не сум јас ракија па да ме ставаш во таа твоја погана уста“!