Франкфуртска ексклузива: Lamborghini Sian oд 3.3 милиони евра (ФОТО+ВИДЕО) – Слободен печат
АвтомагазинМагазин

Франкфуртска ексклузива: Lamborghini Sian oд 3.3 милиони евра (ФОТО+ВИДЕО)

Најмоќниот продукциски модел на Lamborghini во историјата ќе се произведува во мала серија од само 63 примероци, а сите автомобили се распродадени и пред премиерата.

Италијанскиот производител на авто-саемот во Франкфурт го претстави Sian – својот прв хибриден модел. Во срцето на погонскиот систем се наоѓа атмосферски 6.5-литарски V12 мотор кој се користи и во Aventador SVJ каде произведува 770 коњски сили.

Во Sian овој агрегат е поврзан со 48-волтен „благ“ хибриден систем со што на овој автомобил му овозможува да располага со дури 819 КС (602 kW). На тој начин овој модел стана најмоќниот продукциски „Ламбо“ во историјата.

Моќта се пренесува на сите 4 тркала, а автомобилот од место до „стотка“ стигнува за 2,8 секунди, што е во ранг на Aventador SVJ. Максималната брзина е 350 км/ч. Lamborghini се пофали и дека Sian забрзува од 30 до 60 km/h за само 0,2 секунди, a oд 70 дo 120 км/ч за само 1,2 секунди.

Италијанскиот производител планира ограничена серија од 63 возила, а почетната цена на еден примерок изнесува дури 3.3 милиони евра. Вака високата сума сепак не беше пречка сите 63 автомобили да бидат продадени и пред официјалната премиера.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close