Францускиот клуб Ле Авр направи потег со кој го привлече вниманието на јавноста така што забрани влез на своите натпревари за шестгодишно дете кое недолично се однесувало за време на натпреварот против Ремс.

Имено, детето било забележано како фрла чаши и стуткани листови на теренот и неговото такво однесување било оценето како недозволиво.

„Станува збор за една стресна ситуација, но наша должност е да реагираме и на тој начин да испратиме порака. Стадионите треба да бидат места каде што се слави фудбалот“, соопштија од клубот потврдувајќи ја одлуката.

Информациите во француските медиуми се дека момчето се однесувало на тој начин за да го привлече вниманието од пријателите кои биле на соседната трибина. Во овој момент Ле Авр е на 16. позиција во Лига 1 со 12 освоени бодови.

A 6-year-old Le Havre supporter receives a stadium ban until early next year. (L’Éq)⬇️https://t.co/y52dQi0um6

— Get French Football News (@GFFN) December 2, 2024