Земјотрес со јачина од шест степени според Рихтеровата скала денеска ја погоди областа во близина на Мелбурн, соопшти австралискиот Завод за метеорологија, пренесува Еј-Би-Си-Њуз.

Земјотресот, кој бил на длабочина од само десет километри, ги стресе зградите во Мелбурн, вториот по големина австралиски град.

Последователен земјотрес со јачина од четири Рихтерови степени се случил по првиот земјотрес.

Earthquake in Melbourne here a shop got damaged somewhere in Brunswick St Fitzroy pic.twitter.com/CqDuE0B9q1

— Peter Kalla (@PeterKalla1) September 21, 2021

„Седев на мојата работна маса и ми требаше време да сфатам што е тоа“, изјави градоначалникот на Менсфилд, Марк Холкомб за телевизијата Еј -Би -Си.

Building damage on Chapel Street in Melbourne #earthquake pic.twitter.com/ph4KE8isPO

— Simon Love (@SimoLove) September 21, 2021

Австралискиот премиер Скот Морисон во реакција од Њујорк рече дека нема жртви и поголема штета во земјотресот.

Сепак, премиерот ја посочи „многу вознемирувачката“ страна на земјотресот за населението во зоната како Австралија, каде што тие не се навикнати на земјотреси.