Иако нејзините полусестри Џиџи (28) и Бела (26) Хадид доминираат на модните писти речиси една декада, Алана Хадид (40) не планирала да го има своето модно деби на Модната недела во Копенхаген оваа недела, пишува „Вог“.

„Одлучив да дојдам во Копенхаген бидејќи ги сакам данските брендови. ‘Сакс Потс’ дознаа дека ќе доаѓам и ме контактираа за да ме прашаат дали сакам да дефилирам на нивното шоу. Ми беше голема чест“, изјавила таа.

И покрај врнежливите временски услови за време на нејзиното прво модно дефиле, кое се одржа на отворено, Хадид се покажа во најдобро светло. Таа беше дел од модните ревии на „Сакс Потс“ и „Мунте“.

„Врнеше и беше убаво – драматично и навистина епско. Јас ги сакам ‘Сакс Потс’ долго време и беше неверојатно возбудливо да дефилирам за нив“, додала таа.

Алана Хадид, која неодамна го прослави својот 40. роденден, работи како стилистка и е соосновач на брендот „Ла детрес“.

„Јас сум толку вљубена во модните ревии. Не планирав да учествувам во овие модни ревии, но тоа беше еден возбудлив пресврт. Се надевам дека ќе се вратам пак“, изјавила Хадид.