ФОТО+ВИДЕО | Викторија Бекам го прослави својот 48 роденден: Покажа и како изгледала како девојче
Модната дизајнерка и поранешна пејачка Викторија Бекам вчера го прослави својот 48-ми роденден, а по тој повод се присети на својот роденден кога имала само 9 години.
Сопругата на познатиот фудбалер Дејвид Бекам на својот инстаграм-профил сподели спомен од детството каде позира со роденденска торта.
„Мојот деветти роденден. Се чувствувам како да беше вчера“, напиша Викторија спомнувајќи ја нејзината мајка Џеки.
View this post on Instagram
По нејзината објава веднаш следеа честитки во коментарите, а другите членови на семејството Бекам ја искористија можноста да ѝ го честитаат роденденот на својата сакана сопруга и мајка.
„Среќен роденден на најдобрата сопруга, мајка и бизнисменка. Ти посакуваме прекрасен ден бидејќи тоа и го заслужуваш. Многу те сакаме“, напиша Дејвид во описот на романтичната фотографија која ја сподели на својот инстаграм-профил.
View this post on Instagram
Дејвид и Викторија се во брак од 1999 година и важат за еден од најпознатите парови, а и покрај тоа што нивниот брак некогаш бил во криза, тие се дефиниција дека сè може да се преброди. Пред неколку години тие ги обновија своите свадбени ветувања, а денес имаат заедно четири деца, три сина и една ќерка.
View this post on Instagram
На роденденот на Викторија, нејзината најмлада ќерка Харпер ѝ напишала честитка со која особено ја трогнала Викторија.
View this post on Instagram
А новиот брачен пар, нејзиниот најстар син Бруклин и неговата нова сопруга Никола Пелц, ѝ го честитаа роденденот на Викторија со специјални објави на нивните инстаграм-профили.
Викторија е родена во 1974 година во англискиот град Харлоу. Таа беше една од членките на мега популарната женска група „Spice Girls“, но потоа се заплови во модните води, Нејзиниот бренд постои повеќе од десет години.
Таа е позната по своите ригорозни диети, а нејзиниот сопруг неодамна откри дека во последните 25 години ја јаде истата храна секој ден.