Во пресрет на 98-то доделување на наградите Оскар во театарот „Долби“ во Лос Анџелес што ќе се одржат по полноќ, се потсетивме на најголемите скандали што се случија на церемонијата на доделување на наградите, а најголемиот скандал е несомнено шлаканицата.

Вил Смит приреди драма на 94-то доделување на наградите Оскар. Комичарот Крис Рок беше водител на Оскарите, а неговиот коментар за сопругата на Вил, Џејда Пинкет-Смит, не му се допадна на актерот.

Крис ја спореди Џејда со улогата на Деми Мур во филмот „Џ. А. Џејн“ поради нејзината избричена глава, и покрај фактот што актерката отворено зборуваше за својата борба со алопеција, автоимуна болест во која сопствениот имунолошки систем на телото ги напаѓа фоликулите на косата во кожата од непозната причина, што резултира со опаѓање на косата. Потоа, поради несоодветни коментари за ќелавоста на Џејда, Вил се качи на сцената и со сета сила му удри шлаканица на Крис.

Еден од моментите што никогаш нема да се заборави е и објавувањето на погрешниот победник. Тоа се случи во 2017 година. Феј Данавеј и Ворен Бити се појавила на сцената и објавија дека „Ла Ла Ленд“  (La La Land) ја освојува наградата за најдобар филм, но добитник на Оскар, всушност, беше „Месечева светлина“ (Moonlight). 

И додека екипата на „Ла Ла Ленд“ со жалење ја предаде наградата, Марлон Брандо дури и не ја ни сакаше во 1973 година. Заслужено освои Оскар за „Кум“, и иако не сакаше да присуствува на церемонијата на доделување на наградите, сакаше да остави свој белег на неа. Затоа ја испрати Сачин Литлфедер, која во оригинална облека одржа краток говор. Во таа прилика, таа рече дека Брандо одбил да ја прифати наградата поради лошиот третман кон Индијанците во филмовите. Литлфер всушност била мексиканска актерка од Б-филм, со вистинско име Марија Круз, а седум месеци подоцна го искористила вниманието што го привлекла и позирала за „Плејбој“.

Една година подоцна, британскиот актер Дејвид Нивен ја најавувуваше Елизабет Тејлор кога гол маж истрчал на сцената со знак за мир во рацете. Нивен остана смирен и неимпресионирано коментираше дека мажот немал со што да се пофали кога станува збор за пределот меѓу нозете.

Во 1989 година, главната тема на Оскарите била секс-снимката на Роб Лоу во кој две девојки се појавиле покрај актерот, од кои едното имало само 16 години. Актерката облечена како Снежана таа година пеела со познати личности таа година, а со Лоу ја отпеала „Proud Mary“. Резултат – „Дизни“ ги тужел поради недозволено користење на костими.

Треј Паркер и Мет Стоун, авторите на „Саут Парк“, дојдоа на доделувањето на наградите во 2000 година поради номинацијата на нивното долгометражно дело „Саут Парк: Поголем, Подолг и Необработен“ (South Park: Bigger, Longer and Uncut) во категоријата најдобра песна. Тие дојдоа на наградата во фустани со длабоки деколтеа, со кои сакаа да оддадат почит на секси-фустаните на Гвинет Палтроу и Џенифер Лопез од наградите во 1999 и 2000 година. Пред неколку години, тие открија дека биле под дејство на нелегални супстанции во текот на целото доделување на Оскарите.

Истата година, Анџелина Џоли се бакнуваше во уста со својот брат Џејмс Хејвен на доделувањето на Оскарите во 2020 година.

„Во моментов сум многу заљубена во мојот брат“, рече таа откако го освои Оскарот за најдобра споредна женска улога во „Прекината младост“ (Youth Broken).

 

View this post on Instagram

 

A post shared by 𝕻𝖔𝖕 𝖈𝖚𝖑𝖙𝖚𝖗𝖊 (@90s.dios)

Хју Џекмен и Бијонсе оддаваа почит на мјузиклите по успехот на блокбастерот „Мама Миа“ (Mamma Mia), кога актерот премногу ја навали и нејзината брадавица испадна пред камерите.

Мајкл Мур ја донесе политиката на наградата. Пред милиони луѓе во пренос во живо во 2003 година, тој го нарече Џорџ Буш лажен претседател, а војната во Иран конфликт предизвикан од лаги.

„Живееме во време кога имаме човек кој нè праќа во војна од фиктивни причини… Срам да ви е, господине Буш, срам да ви е“, рече тој, публиката свиркаше, а оркестарот го прекина со музика.

Роман Полански, кој со децении е во бегство од американското правосудство поради обвинувања за силување малолетничка, не дојде на доделувањето на Оскарите во 2003 година, како што се очекуваше, каде што ја освои наградата за најдобар филм со својот „Пијанист“. Да стапнеше на американска почва, ќе беше уапсен. Од далеку ги гледаше овациите на публиката откако беше прогласен за добитник на Оскарот.

Адриан Броди освои Оскар за улогата во истиот филм, а беше толку се занеср што ја бакна Хали Бери во уста, иако дотогаш не се познаваа. Во моментот, актерката само се насмеа, а подоцна рече дека не го одобрува неговиот потег.

Алис Брејди освои Оскар во 1937 година за најдобра споредна женска улога во филмот „Во Стариот Чикаго“ (In Old Chicago). Во тоа време, таа си го скршила глуждот, па некој ја презел статуетката наместо неа. Се испоставило дека таа немала поим кој е тој човек, а статуетката никогаш не била пронајдена.

Три години подоцна, Хати Мекданиел ја освои истата награда за улогата во филмот „Однесено со виорот“. Таа беше првата афроамериканка добитничка на Оскар, но речиси ѝ беше забрането да присуствува на церемонијата на доделување награди. Сепак, на крајот смееше да влезе, но не ѝ беше дозволено да седи на иста маса со нејзините бели колеги од филмот.

Сидни Поатје беше првиот црнец кој освои Оскар за најдобар актер за „Лилији на полето“ (Lilies of the Field) во 1964 година. Ен Банкрофт го бакна во образ кога му ја врачуваше наградата, што предизвика голем скандал.

ФОТО+ВИДЕО | Скандал на Оскарите: Вил Смит го удри в лице и го опцу комичарот на сцена!