ФОТО+ВИДЕО | Романтично изненадување: Фудбалерот Жоржињо ја изненади саканата со бајковито запросување
Италијанскиот фудбалер Жорже Луиз Фрело (31), попознат како Жоржињо, ѝ приреди романтично запросување на својата девојка Кетрин Хардинг (33).
Имено, играчот на фудбалскиот клуб Арсенал клекнал на едно колено пред пејачката, опкружен со црвени рози и свеќи, и ѝ го поставил судбоносното прашање на пејачката, на што таа одговорила со „да“.
Целата атмосфера била исклучително романтична – пред нив имало голем цветен аранжман во форма на срце, во чија средина пишувало: „Ќе се омажиш ли за мене?“.
Фудбалерот бил облечен во отмен црн костум, а неговата убава избраничка во импресивен црвен фустан со отворен грб.
Свршеницата на Жоржињо сподели многу фотографии од тој важен момент за двојката и напиша „Љубов моја“ во описот. Исто така, објави и романтично видео од запросувањето, пропратено со песната „Never Break“ од Џон Леџенд.
„Следното поглавје од нашата приказна“, напиша таа во описот на видеото.
Да потсетиме, Жоржињо и Кетрин Хардинг се во романтична врска од 2020 година. Двојката го има тригодишниот син Џекс.
Исто така, Хардинг ја има и осумгодишната ќерка Ада со поранешниот партнер, актерот Џуд Ло, а Жоржињо има две деца со поранешната сопруга Наталија Летери – синот Витор и ќерката Алисија.