Тиктокерката Кели Грин раскажа како изгледа животот на Тристан да Куња, најоддалечениот остров во светот, кој се наоѓа на 2.787 километри од најблиското копно – југозападниот брег на Јужна Африка. Таа се преселила во Тристан да Куња од Велика Британија во 2013 година, пишува „Дејли мејл“.

На островот има само една полициска станица и еден полицаец, нема летови, а патничките бродови пристигнуваат само девет пати годишно. Кели вели дека и покрај тоа, го сака животот на островот бидејќи се чувствува многу безбедно.

„Додека сум на работа, куќата ми е отклучена. Не се плашам некој да ме ограби. Има ситни злосторства, но никогаш немало убиство на Тристан. Мислам дека никој не е уапсен откако јас сум бев тука“, рекла таа.

Доколку се изврши посериозно кривично дело, Кели вели дека осомничениот ќе мора да биде пренесен до Света Елена, најблискиот остров оддалечен 2.100 километри. Таа додаде дека истото важи и за медицинска нега. Имаат болница на островот, но вели дека таму лекарите вршат само помали интервенции, додека за посериозни случаи треба да се оди во Кејп Таун.

@tristandacunhakg #tristandacunha #remoest The Albatross Bar… Come and have a beevy #fyp #bar ♬ Celebration – Kool & The Gang

„Бродовите до Кејптаун, со кои обично патуваме, земаат само 12 патници и доаѓаат девет пати годишно. Патувањето таму обично трае шест дена. Аеродром не доаѓа предвид, но работиме на тоа Тристан да биде малку попристапен“, рекла Кели, која објавува интересни факти за животот на островот на Тикток.

Таа вели дека некои помлади островјани никогаш не го напуштиле Тристан, додека таа ги посетува семејството и пријателите во Велика Британија на секои две години. Таа наведува и дека понекогаш чекаат долго за залихи на храна.

„Ние одгледуваме поголем дел од нашето месо, јајца и зеленчук, но се потпираме на залихите од Кејп Таун за работи како чај, кафе, слатки, брашно… Понекогаш треба да чекаме со месеци за тоа, што може да биде многу фрустрирачко“, вели  таа.

Таа додаде дека увезената стока често е многу скапа, додека луѓето не заработуваат многу.

„Имаме секакви работни места, сè што можете да замислите дека е потребно за да функционира една заедница: наставници, медицински сестри, персонал во банка, столари, електричари и водоводџии“, објаснила тиктокерката, која работи во туристичка агенција. Таа додаде дека многу луѓе се занимаваат со риболов и дека луѓето немаат многу слободно време.

„Стануваме многу рано, одиме на работа, а после тоа, дури и ако не риболовте, мора да се грижите за вашите животни и зеленчук“, објаснила таа.

Луѓето го поминуваат слободното време на отворено.

„Нема ресторани на островот и понекогаш тоа ми недостига, но имаме продавница и кафуле кои се полни за време на викендите и многу популарни меѓу туристите, кои сакаат да пијат пиво таму. Луѓето се дружат овде, сите се познаваат со секого. Ние сакаме да направиме скара и да одиме на плажа“, ракажла Кели.

Кели рече дека островот е голем предизвик, а и времето е одлично. Ураганските ветрови се вообичаени во зима, поради што повеќето луѓе живеат во бунгалови.

„Животот овде е многу предизвикувачки и уникатен, но всушност сè е нормално“,  заклучила таа.

Островот Тристан да Куња административно припаѓа на Света Елена, која е зависна територија на Обединетото Кралство на Велика Британија и Северна Ирска. Во 1961 година, на островот избувна вулкан, поради што целото население (околу сто луѓе) се пресели во Велика Британија. Повеќето од нив се вратија подоцна.

@tristandacunhakg This is your sign….. #tristandacunha #life #island #travel ♬ original sound – Kelly Green