Двократната оскаровка Хилари Свонк е бремена на 48-годишна возраст. Познатата актерка ја сподели среќната вест за време на гостувањето во емисијата „Добро утро Америка“.

Актерката откри дека таа и нејзиниот сопруг Филип Шнајдер ќе станат родители на близнаци и дека е во вториот триместар од бременоста.

„Ова е нешто што го посакував многу долго време и следната работа за мене е дека ќе станам мајка. Да, ќе станам мајка – само на едно, туку на две дечиња. Не ми се верува. Убаво е да се зборува за ова и да имам можност да споделам“, сподели Свонк.

Малку подоцна во истиот ден, Свонк гостуваше и во емисијата „Во живо со Кели и Рајан“ и сподели дека се чувствува одлично.

„Да се очекуваат близнаци е двоја возбуда. Мојата баба беше близначка, бабата на мојот сопруг беше близначка. Па, ние имаме семејна историја со близнаци“, раскажа актерката.

По споделувањето на веста за бременоста, актерката сподели снимка на која го гали своето трудничко стомаче.

 

View this post on Instagram

 

A post shared by Hilary Swank (@hilaryswank)

Свонк и претприемачот Шнајдер се венчаа во август 2018 година. Свонк претходно беше во брак со актерот Чад Лоу.