ФОТО+ВИДЕО: Езѓан Алиоски со трофејот во Купот на Турција
Во финалето на турскиот фудбалски Куп составот на Фенербахче со резултат 2:0 го совлада Башакшехир.
Стрелец на двата голови беше белгискиот интернационалец Батшуаји во втората и 29 минута од натпреварот. За Фенер ова е седма титула во натпреварувањето, а Башакшехир по третпат е поразен во финалните куп мечеви.
Во составот на Фенербахче за финалниот меч не беше Езѓан Алиоски, но секако по победата го славеше освојувањето на купот.
Алиоски последен доаѓа на подготовките на македонската А репрезентација која наскоро ќе ги продолжи квалификациите за ЕП 2024.
Потсетување на 16 јуни во Скопје избраниците на селекторот Благоја Милевски ќе играат против Украина, а три дена подоцна гостуваат кај Англија во Манчестер.
— Fenerbahçe SK (@Fenerbahce) June 11, 2023