Здружението на еколошки организации на Србија и оваа сабота организираше нови блокади низ земјата во знак на протест против ископот на литиум и проектот „Јадар” на компанијата Рио Тинто, јави Бета.рс.

Во Белград, во близина на Сава центарот и во Нови Сад, во близина на автопатот Белград – Суботиќ имаше помали инциденти, кога возачи чии возила беа запрени поради блокадата се обидоа вербално, а некои и физички да се пресметаат со демонстрантите.

#Srbija: U Beogradu nova blokada auto-puta počela koškanjem https://t.co/KOF24ZuH73 #Beograd pic.twitter.com/2Jq1z7Joby

— ANADOLU AGENCY (BHS) (@aa_balkans) January 8, 2022

Еколошките организации еден час го блокираа и патот Белград-Ужице-Златибор кај Ложнички мост, како и мостот во Шабац.

Блокирана беше и Ибарската магистрала во Прељина и главниот пат Шабац – Лозница – Мали Зворник.

Организаторите на блокадата за следната недела најавија радикализација на протестите против експлоатацијата на литиумот во Србија.

Премиерката Ана Брнабиќ претходно денеска изјави дека Владата на Србија е блиску до одлуката да поништи се што се случува со Рио Тинто и да ги поништи сите дозволи дадени на таа компанија.

Од Еколошкото востание порачаа дека пред да се укинат сите дозволи, се што е потпишано мора да и биде достапно на јавноста.

Oko 200 ljudi je blokiralo autoput kod Novog Sada u oba pravca: od Beograda i ka Beogradu, a desio se i incident kada je jedan vozač pokušao da probije blokadu, javljaju reporteri Autonomije#NoviSad #vojvodina #srbija #blokada #protest #RioTinto #politikasr #autonomija pic.twitter.com/aHxEATWlrD

— Autonomija Info (@autonomijandnv) January 8, 2022