Во објектот Сули ан во Старата скопска чаршија, на 3 април, во 20 часот, ќе биде отворена изложбата на фотографии „Приказни од мостот“ од младинскиот натпревар „Мостови што поврзуваат“.

За приказните зад фотографиите на отворањето на изложбата ќе зборуваат експертите по фотографија Моника Мотеска и Роберт Јанкулоски, кои воедно се и ментори низ процесот.

Тие ќе го претстават проектот „Shared Horizons“ (компонента 2), по што ќе следуваат обраќања на Амбасадорот на Франција во С Македонија, H.E. Кристоф Ле Риголер и директорката на АЛДА Балканс, Катица Јанева.

На настанот ќе бидат претставени наградените дела во рамки на раскажувачкиот натпревар „Мостови кои спојуваат“ (#BridgesThatConnect), по што ќе следува отворање на изложбата. Отворањето ќе биде заокружено со музички настап и простор за неформално дружење.

Автор на насловната фотографија е Калин Абаџиев Сековски, учесник во проектот.

Изложбата е дел од меѓународниот проект „Shared Horizons“ (компонента 2), имплементиран од АЛДА и поддржан од „Expertise France“.