Жител на селото Меченчани на Банија во Хрватска објави на Фејсбук фотографии кои ги покажуваат разорните последици од потресот кој го погоди тој крај, објави Јутарњи лист.

Во земјата настанале дупки, а некои се во близина на куќите.

„Во селото Меченчани се појави голем проблем со ваквите кратери, а никој не знае како да го реши тоа. Станува збор за дупки во близина на куќите и секоја минута се очекува дека ќе ги проголта куќите“, наведува овој локален жител.

„Молам за помош од експерти или било кој за ова да запре и да се реши, благодарам“, апелираше тој, објавувајќи и фотографии од состојбата на теренот.

Хрватска ја погодија серија земјотреси во последните денови од старата години, но тлото не се смирува ниту првиот ден од новата година. Последниот силен земјотрес од 6,3 степени по Рихтер на 29 декември се почувстува во целата земја и во регионот, и бил дури 30 пати посилен од оној од 22 март кој беше најсилен во последните 140 години, по серијата потреси ден претходно.

Мистеријата на раседите: Снимките откриваат зошто земјотресот го уништи градот Петриња, и какви поместувања настанале