Црногорски планинар кој во саботата паднал за време на искачувањето на планината Хајла, вчера беше пронајден мртов, пренесуваат црногорските медиуми. Потрагата по познатиот црногорски планинар, Ќазим Фетаховиќ, траеше од саботата, кога му се губеле сите траги на планината.

Телото било пронајдено на црногорската страна од планината, по потрага која траела со часови во исклучително тешки услови.

Информацијата за несреќата првично ја добила Kosovo Mountain Search and Rescue Service, откако косовската полиција во саботата, на 21 февруари, упатила повик за интервенција. Несреќата се случила во близина на врвот Хајла, на надморска височина од 2.407 метри.