Рекламата за Келвин Клајн е забранета по поплаките дека сликите се „премногу сексуализирани“.

Постер на Келвин Клајн со британската пејачка ФКА Твигс е забранет затоа што една рекламна агенција заклучила дека „најверојатно ќе предизвика сериозни навреди“ со објективирање на жените.

Постерот, кој првпат беше објавен во април, ја прикажува уметничката родена во Челтенхем со тексас кошула обвиткана преку нејзините раменици, оставајќи ја гола едната страна од телото и половина од едната града, пишува „Би-би-си“.

Управата за стандарди за рекламирање (ASA) откри дека рекламата веројатно ќе предизвика сериозни навреди со објективирање на жените.

Регулаторот пресуди дека „составот на сликата го става фокусот на гледачите на телото на моделот наместо на облеката што се рекламира“.

Како што е наведено, надзорниот орган се согласил и ја прифатил жалбата, велејќи дека рекламата на Твигс, чие вистинско име е Талија Дебрет Барнет, била претставена како „стереотипен сексуален објект“.