ФОТО + ВИДЕО | Восочна фигура на Тејлор Свифт претставена во Хамбург: Но дали личи на пејачката?
Нова восочна фигура на Тејлор Свифт беше претставена во музејот за восочни фигури „Паноптикум“ (Panoptikum) во Хамбург, пишува „Дејли мејл“.
Препорачано
Фигурата внимателно е изработена од берлинската уметница Лиза Бушер во природна големина на познатата пејачка.
Таа е облечена во син комбинезон со светки, слично на облеката што пејачката ја носеше на музичките награди iHeartRadio во 2019 година. Аутфитот е комплетиран со чизми до колена. Фигурата ги држи рацете во форма на срце, симбол популарен меѓу обожавателите на Свифт.
„Постигнувањето на совршена сличност е особено предизвик кога станува збор за беспрекорна убавина без брчки“, рече уметницата Лиза, додавајќи: „Посебен предизвик беше обликувањето на рацете во форма на срце. Спојувањето на двете раце воопшто не беше лесно“.
„Истото важи и за обликувањето на главата. Восочната фигура не треба да изгледа неприродно“, објасни таа.
Покрај познатата пејачка, во музејот се и ликовите на Анџелина Џоли, кралицата Елизабета Втора, Карл Лагерфилд и Хенрик Осми.
