Во скопското Ново Маало, спроти Олимпискиот базен предмалку граѓани под автомобилите на паркингот пронајдоа змија.

Влекачот е извлечен од страна на случајни минувачи. Немаме информации за кој тип на змија станува збор, а е долга повеќе од половина метар.

Високите температури ги измамуваат влекачите на отворено, но многу ретко може да се најдат во градските средини, но фотографијата сведочи за тоа и предупредува да внимавате при движењето посебно на асфалт и низ треви.

Пред неколку дена во гимназија во Солун се појави змија отровница и веднаш биле повикани противпожарни служби и соодветно обучени лица за рептили за да ја извлечат од приземјето кадешто е забележана. Една волонтерка – херпентолог успешно со ракавица ја фатила змијата но била касната. Жената е сега во тешка состојба во болница и се бори за живот.