Луксузниот моден бренд „Луј Витон“ лансираше чизми кои изгледаат како женска нога со чорапи и потпетици. Достапни се во потемни и посветли тонови на кожа, како и во должина на глуждот или коленото. Цената на овие чизми е 2000 евра на европскиот пазар, без разлика на верзијата.

Чизмите дебитираа на саемот на „Луј Витон“ есен/зима 2023 година и се дизајнирани реално да го имитираат изгледот на вистинска женска нога облечена во ЛВ (LV) потпетици и бели чорапи. Илужн бутс (Illusion Boots) се рачно изработени од телешка кожа и рачно насликани за да создадат ефект на оптичка илузија.

Не требаше многу време чизмите да станат вирални на ТикТок и многу луѓе го кажаа своето мислење за нив, а како што често се случува, на некои им се допаѓаат, а други ги мразат. Тиктокерката Изи го пофали овој нов пар чизми и истакна дека е многу возбудена поради купувањето. „Морав да ги купам“, вели таа во видеото.

@izzipoopiUltimate pollypocket/trompe-loeil boots♬ original sound – IZZI

Видеото досега собра над 6,5 милиони прегледи и многу коментари.

„Ги сакам, но тоа ме тера да кажам – „дури и Луј Витон прави грешки““, „Ова е најсмешното нешто што сум го видел“, „Плативте за ова?“, „3000 долари за тоа е лудост“, Јас сум без зборови“, „Го сакам ова“, се само некои од нив.

Друга тиктокерка во своето видео рече дека мисли дека дизајнерите сакаат да си играат со нас.

@robynmarieisme #greenscreen ♬ original sound – Robyn

„Дизајнерска грдост. Престанете да си играте со нас и да прваите грди/одвратни дизајнерски предмети“, напишала таа во видеото. „Кој го носи ова?“, праша таа во видеото.

„Дури ми се допаѓаат“, „Ова е во случај да не сакам да се депилирам цела зима“, „Сакам да ги видам на некого“, „Мислам дека се кул“, „Венус Вилијамс ги носеше претходно оваа година (ниски чизми) и изгледаше слатко“, „Ова е најгрдото парче глупост наречено луксуз што некогаш сум го видел!“ само некои од коментарите под нејзиното видео.