Eкипата на Вардар оваа година слави 65 години од своето постоење и роденденот ќе го прославви со специјално лого кое ќе биде дел од дресовите на тимот до крајот на оваа сезона.

Дизајнот симболично ја прикажува традицијата, историјата и трофејното минатото на варарци.

„Во чест на одбележувањето на 65 роденден на клубот, ви го претставуваме официјалното лого кое симболично ја отсликува историјата и славното минато на големиот Вардар, а кое до крајот на јубилејната сезона ќе ги краси и дресовите во кои ќе настапува нашиот тим!

Клуб за сите генерации претставува омаж на ракометните легенди, спортските работници и навивачите кои шест и пол децении заедно ја создавале црвено-црната приказна која со истиот став, стремеж и емоција продолжува да живее и понатаму!

Во таа насока, ги покануваме сите навивачи на дерби натпреварот против Алкалоид, кој ќе се одигра во недела во ракометниот храм со почеток од 18:30 часот“, стои во објавата на „црвено-црните“.

Преземено од: Спорт.ком.мк