Американската ријалити ѕвезда Лиса Рина повторно го привлече вниманието со необичен моден избор на забава по доделувањето на Оскарите.

Рина се појави во впечатлив фустан изработен целосно од човечка коса, тежок околу пет килограми. Необичната креација е резултат на соработка со модниот дизајнер Кристијан Кован и брендот за нега на коса „Тресеме“.

Дизајнерот Кован на 14 март на Инстаграм објави видео од процесот на изработка на фустанот, со опис дека станува збор за „коса од А-листата во ново, спектакуларно издание“. За уникатната креација биле употребени речиси пет килограми човечка коса, набавена од проверени и етички извори од три различни добавувачи.

Секој прамен внимателно бил избран за да одговара на бојата на косата на Рина, а потоа бил подготвен со производи од линијата на брендот пред рачно да биде сошиен на основата на фустанот. За корсетот да добие мазен и сјаен изглед, тимот користел крема за измазнување, додека долниот дел од фустанот бил обликуван со спреј за текстура кој му дал волумен и движење.

Рина откри дека скицата на фустанот прво им ја покажала на сопругот Хари Хамлин и на нивните ќерки Делила Бел и Амелија Греј. Според неа, нивната реакција не била изненадување.

„Ме познаваат доволно добро за да знаат дека би направила нешто вакво. Реакцијата беше отприлика: ‘Да, тоа е типично за нашата мама. Одлично’“, изјавила таа.

Иако е свесна дека ваквиот моден избор е прилично екстремен, Рина се надева дека со својата храброст ќе ги поттикне луѓето да бидат поодважни во облекувањето.

„Модата е уметност и начин на изразување. Искрено уживам во тоа и верувам дека кога другите ќе видат колку нешто ве радува, можеби и тие ќе посакаат да пробаат нешто ново – нова фризура, перика или поинаков стил“, изјавила таа.

„Една битка по друга“ триумфираше на Оскарите со шест статуетки, Мајкл Б. Џордан и Џеси Бакли меѓу најголемите победници