Сања Николиќ, поранешна македонска мисица и една од нашите најуспешни жени во светот на маркетингот, изненади со својата нова објава на Инстаграм.

Таа уште еднаш докажа дека за вистински стил не се потребни ниту црвен тепих, ниту професионално студио. Користејќи го одблесокот од еден прозорец како случајно огледало, таа позираше во ултрамодерно, а сепак опуштено издание.

На фотографијата, Сања носи комбинација која е дефиниција за урбан минимализам – широка кожна јакна и широки сиви панталони.

Сања речиси 12 години е во среќен брак со еден од нашите најпопуларни музичари, Марко Маринковиќ – Слаткаристика. Круна на нивниот заеднички живот е синот Моша, кој наскоро ќе наполни шест години.

„И двајцата сме лавови во хороскоп, односно машки лав и женска лавица – тоа се два различни поими, но тоа е сигурно една од работите што прави да сме слични, иако во многу нешта и размислувања се разликуваме. А дека ми е поддршка низ сите овие години, во сè што работам, тоа се подразбира и сум среќен што е навистина така“, рече Слаткар за „Слободен печат“.