Златната палма е синоним за квалитет, а покрај парадата на одлични филмови, секоја година имаме можност да уживаме во врвната елеганција и отменост на славните убавици на црвениот тепих.

Како и секогаш, на црвениот тепих на еден од најпрестижните фестивали, се нижат гала тоалети и смокинзи. На годинешниот црвен тепих посебно внимание привлече манекенката Хајди Клум, која се појави во долг црвен фустан, како и француската актерка Леа Сејду.

Продефилираа и ангелите на „Викторијас сикрет“ Роми Стријд и Тејлор Хил.

Француската актерска легенда Жилиет Бинош, која синоќа ѝ ја врачи почесната Златна палма на Мерил Стрип, блесна во црвената свечена тоалета.

Меѓутоа, холивудската дива Џејн Фонда (86) ги воодушеви сите кога се појави на отворањето на фестивалот. Нејзиниот изглед и стил засени многу помлади колешки. Легендарната Фонда покажа дека годините за неа се само занемарлива бројка, бидејќи животот го живее во потполност. Овој пат Џејн блесна во црн комбинезон што беше украсен со накит. Многумина забележаа дека избрала доза на француски шик, кој го прикажа со фризура во стилот на вистински Французинки.

ФОТО | Започна фестивалот во Кан: Жилијет Бинош ѝ ја додели почесната Златна палма на Мерил Стрип

ФОТО | Грациозност, класа… Џејн Фонда на 86 години покажа што е отменост на црвениот тепих во Кан