Кејт Џексон, Џеклин Смит и Шерил Лад, трите „Чарлиевите ангели“, разговарале за 50-годишнината од серијата и нивното пријателство и откриле дека сите три ја преживеале лошата болест.

Популарната телевизиска серија „Чарлиевите ангели“ (Charlie’s Angels) се емитуваше од 1976 до 1981 година на мрежата Еј-би-си. Имаше пет сезони и 110 епизоди. Во улогите блеснаа Кејт Џексон, Фара Фосет и Џеклин Смит, како и Џон Форсајт, кој го позајми гласот на нивниот шеф, никогаш прикажаниот Чарли Таунсенд, блескаа во улогите. Потоа Фосет и Џексон ја напуштија серијата, а дојдоа Шерил Лед, Шели Хек и Тања Робертс.

Но, Кејт Џексон, Џеклин Смит и Шерил Лад останале пријателки засекогаш, а сега се собраа на панел-дискусија на „ПалејФест“ во Лос Анџелес во центарот „Палеј“ за да разговараат за трајното наследство на „Чарлиевите ангели“. На почетокот, тие ѝ оддале почит на покојната Фара Фосет.

“Charlie’s Angels” stars Jaclyn Smith and Cheryl Ladd reunited to discuss cast changes, health scares and bikini battles.

“I knew the show was different, special and unique,” Jaclyn Smith says. “Three women chasing danger instead of being rescued from danger… our show was the… pic.twitter.com/YwtvYwDbYM

— Variety (@Variety) April 7, 2026

За време на панел-дискусијата на ПалејФест, трите актерки зборувале за своите искуства со ракот на дојка. Тоа било првпат Лад јавно да сподели дека се опоравува од болеста, објави „Вариети“.

Потоа, во интервју со водителката Марија Шрајвер (поранешната сопруга на Арнолд Шварценегер), кое беше емитувано на 7 април, тие зборуваа за „моќта на женското пријателство“ во борбата против ракот.

„Секоја од вас преживеала рак. А знаеме дека и Фара Фосет имаше рак. Дали споделувавте приказни едни со други?“, прашала Шрајвер.

Смит признала дека пријателството меѓу нив двете се продлабочило како резултат на нивните заеднички искуства.

„Тоа едноставно ве поврзува бидејќи знаете низ што поминуваат. И тогаш зборувам за моќта на пријателките“, рекла Шерил Лад.

„Секогаш е шок, а кај мене беше агресивна форма. Тоа е понижувачко искуство, а сепак имав прекрасни лекари и прекрасен сопруг кои ми помогна да се борам“, рекла Лад на панелот.

Лад отворено зборувала за својата дијагноза и лекувањето, присетувајќи се на емотивното патување во текот на хемотерапијата.

„Тоа беше долг, тежок пат“, рекла Лад.

Кога Смит се лекувала од ракот на дојка, се потпирала на „моќта на пријателките“ и своето семејство.

„Кога Шерил ми се јави, првото нешто што го направив беше да ѝ ги испратам моите перики. Беше толку храбра“, рекла Смит.

Кога Џексон се лекувала од ракот на дојка, Смит била таму за да ја поддржи.

„Навистина е важно да разберете и прифатите дека не се плашите од мамографија. Раното откривање е клучно. Откријте го доволно рано и веројатно ќе бидете добро“, рекла Џексон, а Лад порачала: „Ако најдете нешто, нр го игнорирајте тоа!“.

Kate Jackson, Cheryl Ladd, Jaclyn Smith reunite to celebrate ‘Charlie’s Angels’ 50th anniversary https://t.co/HTVQxoGyUl

— ABC7 Eyewitness News (@ABC7) April 7, 2026

Во текот на разговорот со Шрајвер, трите актерки ја истакнале моќта на пријателството во реалниот живот и позитивното влијание што нивното пријателство го имало и врз другите жени.

„Секогаш зборувам за моќта на женското пријателство. Тоа е толку важно“, рекла Смит.

„Истото можам да го кажам. Мислев дека покажувањето дека сме тука една за друга, а не натпреварувањето е суштински важно“, додала Лад.

„Ниту една од нас не мораше гласно да каже: ‘Ти го чувам грбот’. Едноставно така беше“, рекла Џексон.