ФОТО | Том Круз пречекан со овации за „Top Gun: Maverick“ на Канскиот филмски фестивал
На дијамантскиот јубилен на Канскиот филмски фестивал Том Круз беше пречекан со громогласен аплауз и стоечки овации во средата вечерта кога му беше доделена престижната „Златна палма“.
Долгоочекувниот „Top Gun: Maverick“ беше прикажан за време на втората вечер на двонеделниот фестивал, а Том Круз се обрати на толпата пред да му биде врачено признанието:
„Ви благодарам за одвоеното време. Ги снимам овие филмови за сите вас“
Пред да ја прими наградата од директорот на фестивалот во Кан, Тиери Фремо, трикратниот добитник на Златен глобус, беше воодушевен на црвениот тепих додека осум борбени авиони летаа над салата.
„Сите тие работеа толку напорно за да го пренесат ова на големото платно, и сон е да се биде тука. Никогаш нема да ја заборавам оваа вечер“, Круз ги пофали и своите соработници во Парамаунт.
Стоечките овации на Том се навистина ретка прилика кога била дадена таква реакција за актер пред првиот кадар од филмот да биде виден.
Том и неговата колешка Џенифер Конели се облекоа за да импресионираат додека пристигнуваа на премиерата на нивниот филм. Актерот ја истакна атлетската фигура во класичен црн смокинг, додека Џенифер, која ја игра Пени Бенџамин, изгледаше беспрекорно во впечатлив сребрен фустан со голи раменици.
Продолжението на класичниот блокбастер на Тони Скот од 1986 година „Top Gun“ беше едногласно пофалено од критичарите, дури со ставот дека е „подобар од оригиналот на секој можен начин“.