Британската „Кралица на срцата“, принцезата Дијана, во текот на својот живот имаше бројни незаборавни модни моменти, а некои парчиња што ги носеше, oстанаа популарни и денеска. Многу професионалци од областа на модата, велат дека Дијана со својот стил и отвореност беше далеку пред своето време, а еден важен дел од нејзината облека е хит и денес.

Познатите актерки, инфлуенсерки, модни лица од светот ја „повторуваат“ модата на леди Ди – а тоа е впечатливата „бомберска“ црвена јакна.

Откако заврши сезоната на серијата „Круна“, во која актерката Елизабет Дебицки ја глуми Дијана, многу парчиња од гардероберот на Дијана доживеаја одново „оживување“.  Така таа се појави во комбинацијата на каубојски чизми со релаксирани панталони и секако, црвената јакна.

Овој стајлинг неодоливо потсетува на еден од сјајните комбинации кои Лејди Ди ги носеше за време на својот зимски одмор во Лех, Австрија, во 1993/1994 та година. Моделот на црвена огромна јакна може комотно да биде облечен и денес и повторно да бидете шик, 30 години подоцна.

Овие „пуфер“ јакни ја одбележаа модната сезона и се едни од најпосакуваните модни парчиња кај многу светски следачи на модата, но и познати ѕвезди, како Ријана, Дуа Липа и други.