ФОТО | „Суперкомпјутерот“ предвидува: Еве кој ја освојува Премиер лигата во сезоната 2023/24
Целиот фудбалски свет одбројува до почетокот на новата сезона на една од најдобрите фудбалски лиги во светот, англиската Премиер лига. Клубовите се подготвени да ги остварат сопствените амбиции, нема секој да успее, а познатиот „Суперкомпјутер“ предвиде како ќе изгледа конечната табела во следната сезона 2023/2024.
Доколку се суди по вештачката интелигенција, тоа ќе биде сезона за заборав за два гиганти. Имено, доколку се оствари прогнозата на „Суперкомпјутерот“, Челси повторно ќе остане без пласман во европските клупски натпреварувања, додека Манчестер јунајтед ќе мора да се задоволи со петтото место.
На врвот нема промени, Манчестер сити треба убедливо да ја освои титулата, додека Арсенал повторно е на второто место.
Њукасл продолжува со својот амбициозен проект, „Суперкомпјутерот“ го предвиде третото место, а на Ливерпул му предвидува четврто место и враќање во Лигата на шампионите.
Брајтон и Брентфорд повторно би требало да бидат две изненадувања, Тотенхем разочарување, додека во Чемпионшип ќе се вратат Лутон Таун, Борнмут и Шефилд јунајтед, а Барнли ќе опстане по влезот во Премиер лигата.