Пред Спортскиот центар „Борис Трајковски“ утрово стотици луѓе чекаат ред за да ги земат ваучерите за инвертер клими. Редиците се направени бидејќи Министерството за енергетика, рударство и минерални суровини реши дека од денеска почнува доделувањето. За сите останати кои денеска нема да успеат да ги подигнат ваучерите, истото ќе можат да го направат во простириите на Министерството до крајот на месецов.

Министерството за енергетика ќе ги додели ваучерите за инвертер климите за граѓаните

Ваучерите се доделуваат во Центрите за вработување низ градовите од државата во терминот од 9 до 15 часот, освен во Битола каде спортската сала „Боро Чурлевски“ ќе работи до 17 часот за граѓаните од Битола, Новаци и Могила и во Скопје, во Спортски центар „Борис Трајковски“ од 9 до 17 часот.

За овој проект обезбедени се 4,1 милион евра или има пари за околу 6.000 ваучери. На повикот објавен во февруари пристигнаа вкупно 18.805 барања по двата јавни повика, од кои 14.500 баратели се од категоријата неранливи потрошувачи, а за огласот за ранливи потрошувачи конкурираа 4.305 баратели.

Министерството за енергетика појасни: Ваучери за инвертери ќе може да се подигнат до крајот на ноември

Согласно објавениот Јавен оглас за финансиска поддршка преку доделување потврда-ваучер за купување и вградување високоефикасни инвертер клима-уреди за ранливи потрошувачи за 2024 година, предвидени се ваучери од 27.000 денари за лица со ниски примања (приходи до 21.000 денари за самец, 30.000 денари за домаќинство со два члена, и 35.000 денари за домаќинство со три члена). За домаќинства со четири члена, предвиден е ваучер од 30.000 денари, а за домаќинства со пет или повеќе члена – 45.000 денари. Дополнително, за неранливи потрошувачи од Пелагонискиот и Југозападниот Регион предвидени се ваучери од 25.000 денари, а за останатите региони по 23.000 денари.

Важно: Ваучерите за инвертери можат да се подигнат само во текот на утрешниот ден