Албанската инфлуенсерка Јулијана Нура, која пред натпреварот меѓу Србија и Албанија најави дека ќе се појави во Лесковац со знаме на „УЧК“, сепак не беше присутна на трибините во саботата, кога Албанија славеше минимална победа од 0-1.

По нејзиното отсуство, Нура се огласи на социјалните мрежи и откри дека, како што тврди, српските власти издале налог за нејзино апсење, поради што решила да не патува во Србија.

„Кога во прашање е натпреварот Србија-Албанија, Србија издаде налог за мое апсење, но и на уште тројца луѓе. Моето влијание од затвор не би одело во прилог на никого (освен на Србите) затоа одлучив да славам и да се радувам на слобода. Со својата медиумска работа станав фактор и важна личност за балканските медиуми. Ве сакам“, напиша Нура на Инстаграм.

Српските надлежни институции засега немаат официјален коментар во врска со ваквите тврдења. Натпреварот помина без посериозни инциденти, а Албанија со победата дојде на чекор од пласман во мундијалскиот бараж.

Преземено од: Спорт.ком.мк