Изгледа дека Софија Вергара има нова љубов во животот. Актерката беше фотографирана на состанок со маж кој „Пејџ сикс“ го идентикуваше како ортопедскиот хирург Џастин Салиман, пишува „Дејли мејл“.

Вергара и докторот се фотографирани како се упатуваат на вечера во Беверли Хилс, Калифорнија. За состанокот со докторот актерката носела црн корсет од тантела, виолетови кадифени панталони и високи потпетици, додека Салиман се појавил во кошула и фармерки.

Инаку, Вергара и Салиман пристигнале заедно на роденденската забава на старлетата Ким Кардашијан.

Џастин претходно бил во брак со актерката Бри Тарнер, позната по улогите во „Grimm“ и „The Ugly Truth“. Тие поминале десет години заедно и се развеле во 2018. Имаат две деца.

Да потсетиме, Софија и Џо Манганиело во јули годинава објавија дека се разведоа по седум години брак.

„Донесовме тешка одлука да се разведеме. Како две лица кои многу се сакаат и се грижат еден за друг, љубезно бараме да се почитува нашата приватност во овој момент додека се движиме низ оваа нова фаза од нашите животи“, рекоа тие во заедничка изјава за медиумите.

ФОТО | „Летото е за мене“: Софија Вергара ужива покрај базен во провокативно бикини