Македонскиот саксофонист Горан Папаз и неговата сопруга Наташа минатата година станаа горди родители на три бебиња. Оттогаш тој често објавува моменти од секојдневието со нивните дечиња – Лена, Луна и Лазар.

Последната објава која музичарот ја сподели на социјалните мрежи беше неодолив семеен портрет со сопругата и трите дечиња. Во топлиот амбиент на својот дома семејството позираше со широки насмевки, освен малиот Лазар, кој очигледно се одлучил да делува сериозно.

„Со Лазар треба да повежбаме малце, ама не е лошо испаднат… “, напиша Горан покрај фотографијата.

Да потсетиме, славниот музичар, кој на јавноста ѝ стана познат по ангажманот во групата „Суперхикс“, ја објави среќната вест дека ќе стане татко во август минатата година и ги покажа фотографиите од ултразвукот. Во декември минатата година неговата сопруга Наташа се породи и на свет ги донесе Лена, Луна и Лазар. Инаку, музичарот веќе има еден син од претходниот брак, Дамиан.