Хрватска ja зафати снежен бран со силни ветришта, а автопатот во Горски котар е затрупан со снег, поради што на терен интервенира зимската служба. Хрватскиот автоклуб (ХАК) објави посебни предупредувања за возачите, пренесуваат хрватските медиуми.

На граѓаните утринава во шест часот им беше испратена порака од Цивилната заштита со повик на претпазливост поради обилните снежни врнежи и линк за следење на состојбата.

Зимски услови владеат на дел од патиштата во Горски котар и Лика. На крајбрежјето дува силен ветер, поради што се воведени забрани за одредени категории возила. Целосно е запрен сообраќајот за камиони со приколки и шлепери.

Чистењето и посипувањето на коловозите е во тек на повеќе делници, а на некои патишта сообраќајот се одвива забавено поради присуство на возила на зимската служба.

Возачите се предупредуваат да возат внимателно, да одржуваат безбедно растојание и да не тргнуваат на пат без зимска опрема.

🚨Upozorenja za četvrtak, 26. 3. 2026. zbog promjene vremena 👉https://t.co/I4fmSNIs1U

Gospićka regija:
🔴 snijeg uz stvaranje debljeg snježnog pokrivača
🟠 olujni udari vjetra i obilna kiša

Riječka regija:
🔴 olujni vjetar s udarima >110 km/h
🟠 grmljavinsko nevrijeme i… pic.twitter.com/pbtDdBeqXf

— DHMZ (@DHMZ_HR) March 25, 2026

Според прогнозите, денес во Хрватска се очекува нестабилно, ветровито и значително постудено време, особено во внатрешноста. Ќе преовладува облачно време со повремени врнежи од дожд и поројни дождови со грмежи, додека на Јадранот локално се очекуваат обилни врнежи.

Во внатрешноста дождот на места ќе преминува во лапавица, а на планинските предели во снег.