Пред „Даунинг стрит“ број 10, официјалната адреса на кабинетот на британскиот премиер, се случи симпатичен инцидент. Имено, официјалниот фотограф на полскиот претседател Карол Навроцки случајно се сопнал од мачорот Лaри, „главниот глувчеловец во Кабинетот на премиерот на Обединетото Кралство на Велика Британија и Северна Ирска“, пренесува „Индепендент“.

Лaри веднаш се навредил и брзо избегал од фотографот со зашилени уши, додека несреќниот фотограф се обидел да му се извини со насмевка. Секако, слатката сцена веднаш ја снимиле неговите колеги – од сите агли, и така се создаде најзабавната галерија на денот. Полскиот претседател штотуку ја напуштал зградата кога се случил „инцидентот“ и сè гледал со насмевка.

Лaри, ја надгледува работата на британските лидери повеќе од една деценија. Во тој период, тој испрати тројца премиери од „Даунинг стрит“ број 10 и штотуку ја пречека новата жителка, Лиз Трас. Овој месец полни 19 години и официјално е жител со најдолг стаж на „Даунинг стрит“.

Тој беше донесен во кабинетот во 2011 година, во времето на тогашниот премиер Камерон, кој го спаси од засолништето за мачки и кучиња во Батерси. Оттогаш, тој е многу популарен кај британската јавност и е преплавен со подароци и задоволства што му се испраќаат секојдневно.

Лaри има навика да привлекува внимание кон себе, честопати седи пред влезната врата и гледа директно во собраните фотографи и сниматели кои ги чекаат политичарите да излезат. Тој ѝ дозволува на полицијата да му ја отвори вратата, брка гулаби или лежи испружен на прозорецот, па неговите активности или мрзеливост често се добредојдено одвлекување на вниманието од монотонијата на политичарите.