ФОТО | Симона Поповска го прослави 32. роденден: Се чувствувам помладо во срцето со секоја прегратка од моите момчиња
Македонската пејачка Симона Поповска вчера (27 март) го прослави нејзиниот 32. роденден во кругот на семејството.
Како и секогаш, така и оваа година, пејачката го одбележа овој ден со впечатлива роденденска торта, а нејзините синови, двегодишниот Никола и едногодишниот Стефан, ѝ помогнаа да ги дувне свеќите.
„Го прославувам мојот посебен ден со двата најголеми подароци кои животот ми ги подари.
Додека дувам свеќички за уште една година, благодарна сум за овие моменти, повеќе од кога било.
Да наздравиме за уште една година како нивна мајка и за сите авантури кои доаѓаат со тоа.
Да наздравиме за тоа што сум една година постара, но се чувствувам помладо во срцето со секоја насмевка и прегратка од моите момчиња“, напиша таа во описот на фотографиите од роденденската прослава.
Исто така, Поповска ја покажа и роденденската честитка од нејзиниот постар син.
„За најслатката мајка. Среќен роденден! Од Никола“, пишува на картичката, на која има отпечаток од малото раче на нејзиното синче.