Сер Бенџамин Слејд, 79-годишен барон, веќе со децении активно бара нова сопруга, најмалку 20 години помлада од себе, која би му родила наследник. Во потрагата по идеална партнерка, тој користел Тиндер, објавувал огласи во весници, па дури и глумел во серија.

Сер Бенџамин Слејд е баронет кој потекнува од кралот Чарлс Втор и верува дека има потреба од машки наследник.

 

View this post on Instagram

 

A post shared by IMJUSTBAIT (@imjustbait)

За својата идна сопруга, аристократот Бенџамин составил список на необични правила и барања. Тој истакнува дека бара жена способна да управува со два замоци, имоти и мочуриште со тетреби, како и која може да роди два сина. Тој би ѝ понудил годишна плата од околу 58.000 евра со бонуси, покривајќи ги сите трошоци како што се автомобил, куќа, храна, годишни одмори и друго, иако би сакал да поседува и „малку приватен капитал и приход“. Бенџамин се надева дека ќе биде образувана во правото и сметководството, иако тоа не е услов.

Баронот, исто така, сака таа да биде добра танчарка во сала и смета дека е корисно да има дозвола за хеликоптер, како што пренесува „ЛАДБајбл“ (LADBible). Тој нема ништо против жени од Канада, Америка, Германија и северна Европа, но конкретно не сака сопруга од земји чии имиња почнуваат на буквата „И“ и чии знамиња имаат зелена боја, како и од Шкотска. Покрај тоа, тој бара жена која не е Скорпија во хороскоп, не чита „Гардијан“ и не е од земја каде што во зима не се носат палта. Пожелно е таа да игра бриџ, табла, да решава крстозборки, да е физички активна и да знае да плива. Еден од условите е и таа да мора да живее со него седум години за да може да ѝ го остави имотот ослободен од данок. Другите барања вклучуваат дозвола за пушка, поседување грб, апстиненција од дрога и алкохол и висина од најмалку 168 сантиметри.

Millionaire aristocrat, 72, sells England’s largest nature reserve https://t.co/9mFLzUPGAL via @MailOnline #somerset

— Sir Benjamin Slade (@sirbenslade) April 23, 2019