Хрватската пејачка Северина Вучковиќ викендов одржа концерт во Минхен, а во текот на настапот доживеа мала незгода. Имено, на Северина ѝ се скинаа панталоните додека изведуваше еден од нејзините хитови.

Таа брзо реагираше, а членовите од нејзиниот тим веднаш ѝ помогнаа. Тие ѝ дадоа сако за да се покрие и ги залепија панталоните со селотејп.

Покрај оваа мала незгода, Северина на својот Инстаграм покажа и дека за време на концертот една обожавателка ѝ фрли црвена висока потпетица и фломастер на сцената со надеж дека пејачката ќе го потпише нејзиниот автограм. И тоа се случи.

Овој креативен потег на обожавателката ѝ се допадна на Северина, па таа се потпиша на чевелот и на шега истакна дека сега повторно ќе мора да го отпее нејзиниот хит „Моја штикла“ бидејќи првиот пат била зафатена со давање автограми.

А, на нејзините обожаватели им беше симпатично како, додека Северина се обидуваше да го земе фломастерот од подот, внимателно се наведна за да ги скрие залепените панталони.

ФОТО+ВИДЕО | Каков малер! На Северина ѝ пукнаа панталоните на незгодно место среде настап