ФОТО | „Рипна во тавче“: Водителот Марко Новески се ожени
Популарниот водител Марко Новески кого го гледавме во квизот „Листа за триста“ а публиката најмногу го памети по забавното шоу „Дај побрзај“, застана на лудиот камен.
Иако изјавуваше дека не му се брза да влезе во брак, очигледно се премисли и реши да ја озакони врската со девојката Цена Плавевска. Тој ја објави среќната вест на својот инстаграм-профил.
View this post on Instagram
„Се оженив! Те сакам Плавевска и едвај чекам да видам како ќе се одвива нашата приказна. Голема благодарност до кумот Дамјан за безрезервниот ангажман околу целата работа и секако до старосватицата Сашка за стручната логистика околу овој чин“ – напиша Марко во објавата и сподели неколку фотографии од свечениот момент.
View this post on Instagram
За овој убав настан, кој се одвивал според ковид-протоколите, младоженецот и невестата не носеа класична свадбарска облека. Односно и двајцата беа облечени во жолто-бела комбинација, Марко во кошула и панталони, со пеперушка, а невестата во жолто-бело здолниште со бела маица.
