Ричард Гир и неговата сопруга Алехандра Силва прославија осум години брак, а по тој повод таа сподели емотивна објава на Инстаграм.

Имено, 43-годишната Силва објави фотографии од нивната свадба од 2018 година и се потсети на почетокот на нивната љубовна приказна.

„Пред осум години, на денешен ден, се собравме со нашите семејства и најблиски за да го прославиме почетокот на нашиот заеднички живот. Тоа беше еден од најмагичните денови во нашите животи – ден исполнет со љубов, радост и чувство дека започнува нешто навистина посебно“, напиша таа.

Меѓу фотографиите имаше романтични моменти од нивната будистичка свадбена церемонија во Њујорк, каде Силва носела бела чипкана венчаница, додека актерот бил облечен во класичен црн костум.

„Многу години подоцна, нашата љубовна приказна продолжува – со уште повеќе длабочина, спомени, деца, смеа и живот. Среќна годишнина, љубов моја. Повторно би те избрала, во секој живот“, додаде таа.

Двојката тајно се венча во Шпанија во 2018 година, а потоа организираше и будистичка прослава на ранчот на актерот во Њујорк.

По бракот, добија два сина – Александар, роден во 2019 година, и Џејмс, роден во 2020 година.

Иако ретко го изложуваат приватниот живот во јавност, Силва често му посветува емотивни објави на славниот актер, кого го опишува како својата „најголема животна среќа“.

ФОТО | Која е Алехандра Силва? Поради неа Ричард Гир ги спакува куферите и ја напушти Америка